![[image of a Philosophical Gnu]](philosophical-gnu-sm.jpg)
nom
se incluem gifs devido a problemas de patentes
Nom hai GIFs no site da GNU por mor das patentes (Unisys e IBM) que cobrem o algoritmo de compressom LZW usado na elaboraçom de ficheiros GIF. Estas patentes fam impossível ter software livre que gere GIFs propriamente ditos. Elas atingem tamém ao programa "compress", razom pola qual GNU nom usa nem o programa nem o formato correspondente.
Tanto Unisys como IBM solicitárom as suas patentes em 1983, o que significa que estas nom vam expirar até o ano 2003. Até entom, se alguém sacar um programa livre que elabore ficheiros GIF provavelmente será demandado. E nom vemos nengumha razom para pensar que os donos da patente vaiam perder os juiços.
Se nos escrevemos um programa desse tipo, é possível que Unisys e IBM considerem ser-lhes melhor (por razons de relaçons públicas) nom demandar a umha fundaçom sem ánimo de lucro como a FSF. Em vez disso eles poderiam demandar aos usuários do programa, incluindo as empresas que redistribuem software GNU. Consideramos que nom seria um comportamento responsável darmos lugar a tal situaçom.
Muita gente pensa que Unisys deu permisso para distribuir software livre
que produza ficheiros em formato GIF. Infelizmente isto nom é o
que Unisys fixo realmente. O que dixo realmente Unisys é o seguinte(1):
Nom é requerida licença nem pago de direitos autorais para aplicaçons, baseadas no formato GIF, nom comerciais sem ánimo de lucro, ou para freeware-GIF nom comercial sem ánimo de lucro, sempre e quando a compressom LZW use-se exclusivamente no formato GIF. Porém requere-se umha licença se o freware incorpora-se a, ou vende-se com, ou distribui-se com um produto comercial nom gratuito introduzido em 1995 (ou posteriormente) ou umha melhora de produtos introduzidos anteriormente a 1995.
Infelizmente isto nom se pode aplicar ao software
livre, tam só ao software
semilivre, o qual nom pode ser usado num sistema operativo livre como
o GNU. Tampouco permite em absoluto o uso do algoritmo LZW para outros
propósitos tais como a compressom de arquivos. Esta é a razom
pola que desenvolvimos o programa gzip (GNU zip) em substituçom
do programa compress.
A redistribuiçom comercial do software livre resulta mui importante, e nos desejamos que o sistema GNU, como um todo, seja distribuído comercialmente. Isto significa que nom podemos engadir programas geradores de ficheiros GIF ao GNU, nom sob os termos da Unisys.
A Fundaçom para o Software Livre (FSF) é umha organizaçom nom comercial, sem ánimo de lucro, de jeito que falando estritamente os ingressos obtidos da venda dos nossos CD-ROMs nom som ''lucros''. Se quadra isto significa que poderíamos incluir um programa gerador de GIFs no nosso CD-ROM e soster estarmos ao abeiro do permisso da Unisys--ou se quadra nom. Mas como outros redistribuidores de GNU nom o poderiam incluir, a inclussom do programa GIF nom teria muita utilidade.
Pouco depois da Unisys fazer o seu anúncio, quando na rede espalhou-se o tranquilizador pensamento de que a Unisys dera permisso para software livre gerador de GIFs, escrevemos ao departamento legal da Unisys pedindo umha aclaraçom sobre o tema. Nunca recebemos resposta.
Mesmo se a Unisys autorizou realmente o software livre gerador de GIFs, teríamos que lidar coa patente da IBM. Ambas patentes, a da IBM e a da Unisys, cobrem o mesmo ''invento'': o algoritmo de compressom LZW. (Isto poderia reflectir um erro por parte da Oficina de Patentes e Marcas Comerciais norteamericana-US Patent and Trademark Office-, que é famosa pola sua incompetência e pouco siso).
Decodificar GIFs é um tema diferente. As patentes da Unisys e da IBM estám ambas escritas de jeito de nom serem aplicáveis a programas que só podem descomprimir ficheiros em formato LZW, mas nom podem comprimir. Portanto podemos incluir suporte para exibir ficheiros GIF dentro do software GNU, e vamos faze-lo.
Dada esta situaçom poderíamos incluir arquivos GIF nas nossas páginas, se quixéramos. Muita gente estaria disposta aos gerar para nos, e nom seriamos demandados por termos ficheiros GIF no nosso servidor.
Mas consideramos que se nom podemos distribuir software que permita gerar correctamente ficheiros GIF, entom nom devemos ter a outra gente a correr tal software para nós. Além disso, se nom podemos fornecer software da GNU para gerar ficheiros GIF, cumpre-nos recomendar umha alternativa. E nos mesmos deveríamos empregar a alternativa recomendada.
Outra questom ulterior é que as patentes LZW -e as patentes de software em geral- representam umha ofensa contra a liberdade dos programadores, e toso os programadores necessitam trabalhar juntos contra as patentes de software.
Assi que mesmo se poidéramos achar umha soluçom que permitisse à comunidade do software livre gerar GIFs, ela nom seria umha soluçom real, nom para o problema global. A soluçom é cambiar a outro formato e nom empregar o GIF nunca mais.
Portanto, nós nom usamos GIFs, e esperamos que tu nom o uses tampouco.
Resulta possível elaborar imagens nom comprimidas que se comportem como GIFs, no senso de funcionarem com programas que decodifiquem o formato GIF. Isto pode se fazer sem infringir a patente. Estes pseudo-GIFs som úteis nalguns casos.
Decidimos nom empregar os pseudo-GIFs no nosso site já que nom som umha soluçom satisfatória para o problema da comunidade. Eles funcionam, mas ocupam muito espaço. O que precisa a web é um formato de compressom nom submetido a patente, nom pseudo-GIFs enormes.
O formato PNG é um formato comprimido nom submetido a patente. Esperamos que devenha num formato amplamente suportado, e entom o usaremos. Temos versom das imagens em PNG no nosso servidor(2).
Para mais informaçom sobre os problemas coas patentes do GIF, veja-se a página de the League for Programming Freedom GIF page. Nessa página pode-se achar mais informaçom sobre problemas de patentes de software em geral.
(1)Para evitar possíveis confussons reproduzo o parágrafo original:
No license or license fees are required for non-commercial, not-for-profit GIF-based applications or for non-commercial, not-for-profit GIF-freeware, so long as the LZW capability provided is only for GIF. However, a license is required if freeware is incorporated into, or sold or distributed with a commercial or for-profit product, introduced in 1995 [or later], or enhancements of products that were introduced prior to 1995.(2)Por motivo de falta de espaço neste site, o que contem os documentos traduzidos ao galego, só estám as imagens em formato jpg. No site original estám logicamente as images PNG.
Please send FSF & GNU inquiries & questions to gnu@gnu.org. There are also other ways to contact the FSF.
Please send comments on these web pages to webmasters@www.gnu.org, send other questions to gnu@gnu.org.
Copyright (C) 1997, 1998 Free Software Foundation, Inc., 59 Temple Place - Suite 330, Boston, MA 02111, USA
Verbatim copying and distribution is permitted in any medium, provided this notice is preserved.
Updated: 17 Apr 1998 rms Traduzido: 21 de Marzo de 1999