O grupo de novas Soc.Culture.Galiza é un grupo moderado.
Máis exactamente un grupo robomoderado,
i.e. a moderación é levada a cabo automaticamente polo programa
STUMP
de Igor Chudov. O robot non entra no contido dos artigos, de xeito que
non hai censura polo dito contido, senón por motivos de forma.
Causas do rexeitamento dun artigo enviado a S.C.G
Que fora enviado a máis de 4 grupos simultaneamente. (Crossposting)
Que fora enviado a 2 ou máis grupos moderados simultaneamente. Debido
a certas deficiencias da USENET o robot non aprova nengun artigo enviado
a máis de dun grupo moderado. Pois en caso contrário o artigo
entraria directamente no outro grupo moderado, sen pasar polo filtro do
dito grupo.
Distribución de artigos
Cando unha persoa envia un artigo, este é dirixido polo seu servidor
de novas ao enderezo scg@usc.es, onde se acha o robot. O robot verifica
se cumpre as condicións para ser aceite ou rexeitado. Caso de ser
aceite inxectao nun servidor da novas 1 ,
e de ai distribue-se ao resto da USENET. Ao receber un artigo o robot responde
ao autor indicando-lle se o dito artigo foi aceite ou rexeitado, mais se
o enderezo que aparece no cabezallo do artigo é falso, loxicamente
tal aviso non da chegado.
A velocidade do grupo
Pode parecer que o grupo Soc.Culture.Galiza é máis lento,
por ser moderado, que os grupos non moderados. Isto non é de todo
certo. A verdade resulta dificil compar as velocidades dos grupos moderados
e dos non moderados. Certo que cando unha persoa envia un artigo a un grupo
non moderado o ve aparecer rapidamente no seu servidor, mais isto non significa
que xa estea a disposición de toda a USENET. Como se
explica no magnifico FAQ sobre as novas de Miguel
Conde a distribución das novas é
un asunto complexo, e pode ocorrer que ao se transmitir un artigo entre
dous servidores na mesma cidade pase por outro continente. No caso do Soc.Culture.Galiza
a velocidade de recepción de artigos depende da distáncia,
en servidores, do servidor onde se inxecten as novas 2.Claro que nun grupo non moderado3
os artigos tamén teñen que andar dun servidor para outro,
a diferéncia é o ponto de partida, que no caso do SCG é
un servidor nos EUA, e no caso doutro grupo é o servidor do autor.
Duración dun artigo nun servidor
Nun servidor de novas estan entrando continuamente novos artigos, dado
o capacidade finita de calquer sistema de armacenamento, resulta imprescindíbel
ir eliminando artigos vellos para deixar paso aos novos. De xeito que en
cada servidor manten-se cada artigo durante un tempo determinado, pasado
o cal elimina-se. O tempo de armacenamento depende do administrador de
cada servidor, sendo é o que fixa os tempos de caducidade, que poden
variar de grupo a grupo. En xeral os tempos de armacenamento dun grupo
varian dun servidor a outro, e non dependen en absoluto do robot.
Almacenamento e consulta de artigos
Todos os artigos que chegan ao robot, tanto os aceites como os rexeitados,
son armacenados e poden ser consultados nos Arquivos
do SCG . Debido a problemas de espazo por agora só poden ser
consultados directamente as mensaxes enviadas nos últimos 12 meses,
mais todos os outros artigos están armacendados. Para obte-lo só
tes que escreber-me.
[1] Anteriormente o robot inxectaba
a nova no servidor de novas da Universidade de Santiago de Compostela,
mais debido a problemas de distribución ultimamente ven usando os
servidores news.wwa.com ou news.stanford.edu, ambos nos EUA.
[2] Así por exemplo un dos
últimos artigos recebidos no servidor de novas da USC seguira a
seguinte traxectoria: foi inxectado no servidor da Universidade de Staford
(news.stanford.edu) nos EUA, de ai pasou ao servidor da Universidade de
Berkeley (newsfeed.berkeley.edu), seguidamente foi polos servidores -supoño
que americanos- netnews.com e newspeer1.nac.net, de onde pasou a un servidor
holandes (newsfeed.wirehub.nl), seguidamente foi ao servidor het.net (esperemos
que europeo), e dai a outro servidor holandes (newsgate.cistron.nl), a
continuación pasou por Bélxica (news.belnet.be), chegou a
España (news.rediris.es), pasou a Galiza (ds.cesga.news) e por fin
chegou ao servidor da Universidade de Santiago (news.usc.es)
[3] Por exemplo un dos últimos
artigos recebidos no servidor de novas da USC no grupo non moderado es.comp.os.linux
seguiu
a seguinte traxectoria: foi inxectado no servidor español news.mad.ibernet.es,
de onde pasou a newsfeed.bcn.ibernet.es, con animo de coñecer mundo
deu entón o salto a Alemania (fu-berlin.de), seguiu por Alemania
(news-fra1.dfn.de), pasou a Suiza (news-ge.switch.ch) e voltou a España
(news.rediris.es), dirixindo-se entón cara a Galiza (ds.cesga.es),
chegando por último ao servidor da Universidade de Santiago (news.usc.es).